شوباز شریف نے غریب کسان کولوں روٹی دا نوالہ چھین لیا، فردوس عاشق اعوان

لہور(سٹی رپورٹر)وزیراعلی پنجاب عثمان بزدار دی معاون خصوصی اطلاعات فردوس عاشق اعوان داآکھنا اے کہ پنجاب پورے پاکستان دی فوڈ باسکٹ سی۔ شوباز شریف نے قیمتی زرعی رقبیاں اتے رہائشی کالونیاں دے قیام دی پالیسی اپنا کے غریب کسان کولوں روٹی دا نوالہ چھین لیا۔سماجی رابطے دی ویب سائٹ ٹوئٹر اتے اپنے اک بیان وچ وزیراعلی پنجاب دی معاون خصوصی اطلاعات فردوس عاشق اعوان داآکھنا سی کہ پنجاب جیویں خوشحال زرعی معیشت دے حامل صوبے نوں صنعتی صوبہ بنان دے ناں اتے لٹیاں گیا۔

ایہہ صوبہ زرعی نہ ای صنعتی رہیا۔ اوہناں نے آکھیا اے کہ زراعت دا شعبہ پچھلی سرکاراں دی لٹ مار دی پالیسیاں دی بھینٹ چڑھ گیا۔ زرعی زمیناں دے سکڑن توں ئے روز آٹا،گندم ورغے بحران سرچکن لگے نیں۔ وزیراعلیٰ دی معاون خصوصی فردوس عاشق ہوراں نے مزیدآکھیا اے کہ پنجاب وچ انج دے نکام صنعتی منصوبے شروع کیتے گئے نیں جہناں دی آڑ وچ ارباں روپے ایہہ لوکائی ڈکار گئے نیں۔ بیرن ملک منتقل کرکے ایون فیلڈ محل خرید گئے نیں۔ کل تیک راجکماری آکھدی سی میری پورے پاکستان وچ کوئی جائیداد نہیں جدوں چیک کیتا ایہناں دے ناوے ہزاراں ایکڑ زمین موجود اے۔