کرپٹ عناصر تے کرپٹ سیاستداناں لئی پاکستان وچ کوئی تھاں نہیں: شوکت یوسفزئی

پشاور: خیبر پختونخوا دے وزیر اطلاعات شوکت یوسفزئی دا کہنا اے پاکستان اللہ ولوں تحفہ اے پر ماضی دے نالائق حکمراناں نے ملک عالمی طاقتاں دے ہتھوں گروی رکھ دتا سی کرپشن تے لٹ مار دی وجہ توں پیسہ عوام تے خرچ نہیں ہو سکیا۔ وزیر اطلاعات نے مانچسٹر وچ تقریب نال خطاب کردیاں آکھیا امیر تے غریب دے وچکار بہت وڈا خلا پیدا ہویا۔ عمران خان دی قیادت وچ کرپشن تے منی لانڈرنگ دا خاتمہ ہو رہیا اے۔ پاکستان وچ دہشت گردی نوں شکست ہو گئی اے۔

ملک اک مضبوط معاشی ٹریک تے آ چکیا اے قومی اداریاں نوں مستحکم بنان دی کوشش ہو رہی اے۔ کرپشن توں پاک پاکستان دی بنیاد رکھی جا رہی اے۔ قائداعظم نے پاکستان دی بنیاد رکھ کے مسلماناں تے اقلیتاں دے اُتے بہت وڈا احسان کیتا اج ہندوستان دا سیکولر چہرہ دنیا دے ساہمنے بے نقاب ہو چکیا۔ جتھے اقلیتاں تے کشمیریاں تے ظلم تے بربریت دے پہاڑ توڑ دتے گئے۔

اپنا تبصرہ گھلو