پنجاب دی ماتحت عدلیہ دے ججاں لئی دوران سروس ٹریننگ حاصل کرنا لازمی قرار

لہور: پنجاب دی ماتحت عدلیہ دے ججاں لئی دوران سروس ٹریننگ حاصل کرنا لازمی قرار دے دتا گیا ۔

لہور ہائی کورٹ نے قرار دتا اے کہ دوران سروس ٹریننگ حاصل نہ کرن والے ججاں نوں ترقیاں نہیں ملن گیاں۔ چیف جسٹس لہور ہائی کورٹ سردار شمیم خان نے ماتحت عدالت دے 75ججاں دی ٹریننگ دی منظوری دے دتی۔

پنجاب جوڈیشل اکیڈمی وچ ٹریننگ وچ حصہ لین والیاں وچ 25ایڈیشنل ڈسٹرکٹ اینڈ سیشن ججز تے 50سول ججز شامل نیں۔ 75ججاں دا ٹریننگ سیشن 30ستمبر توں شروع ہووے گا۔ 6روزہ ٹریننگ سیشن دی افتتاحی تقریب نال چیف جسٹس سردار شمیم خان خطاب کرن گے۔