خواہش اے ایس واری پی ایس ایل دا ٹائٹل لہور قلندرز جتے: یونس خان

کراچی: قومی ٹیم دے سابق کپتان یونس خان دا کہنا اے سب ٹیماں بھرپور محنت کر رہیاں نیں پر میری ذاتی طور تے خواہش اے لہور قلندر ٹائٹل جتے۔

این ای ڈی یونیورسٹی وچ منعقدہ تقریب وچ میڈیا نال گل کردیاں سابق ٹیسٹ کرکٹر آکھیا 20فروری توں شروع ہون والے پی ایس ایل فائیو وچ ساریاں ٹیماں چنگیاں نیں، لیگ دا پہلی واری مکمل طور تے پاکستان وچ منعقد ہونا خوش آئند اے، سب ٹیماں بھرپور محنت کر رہیاں نیں پر میری ذاتی طور تے خواہش اے کہ لہور قلندر ٹائٹل جتے۔

یونس خان نے پی سی بی نوں اک واری فیر سخت تنقید دا نشانہ بناندیاں آکھیا پاکستان کرکٹ دا انفراسٹرکچر بہتر کرن دی لوڑ اے، پی سی بی نوں پتہ نہیں اوہنوں کیہ کرنا اے۔

انڈر 19ورلڈ کپ دے سیمی فائنل وچ بھارت دے ہتھوں پاکستان دی شکست افسوسناک اے، میرے خیال وچ حریف ٹیم نے پاکستان دے خلاف بھرپور اعتماد تے میچور کھیڈ دا مظاہرہ کیتا۔

اپنا تبصرہ گھلو