پنجاب وچ ایس ورھے ہر مہینے انسداد پولیو مہم چلان دی منظوری

لہور: وزیراعلیٰ پنجاب عثمان بزدار نے ایس ورھے وچ ہر مہینے انسداد پولیو مہم چلان دی منظوری دے دتی۔

عثمان بزدار نے ہائی رسک ضلعیاں تے خصوصی توجہ دین تے انسداد پولیو پلان تے 100فیصد عملدرآمد یقینی بنان دی ہدایت کیتی اے۔

وزیراعلیٰ پنجاب دا کہنا سی پنجاب دے وکھو وکھ ضلعیاں وچ پولیو کیسز دا ساہمنے آنا الارمنگ اے، پولیو کیساں والے ضلعیاں وچ انتظامیہ نوں موثر انداز نال پولیو نال نبڑنا ہووے گا۔

اوہناں آکھیا 17فروری توں پنجاب دے 36ضلعیاں وچ خصوصی انسداد پولیو مہم چلائی جاوے گی جہدے وچ 2کروڑ بالاں نوں انسداد پولیو دے قطرے پیائے جان گے۔

عثمان بزدار نے ہور آکھیا انسداد پولیو مہم وچ منتخب نمائندیاں تے نمبرداراں دی شمولیت ضروری اے، کمیونٹی دی شمولیت نال انسداد پولیو دے اقدامات نتیجہ خیز ثابت ہون گے۔

اپنا تبصرہ گھلو