وزیراعظم کہہ رہے نیں تے فضل الرحمان نوں گرفتار ہونا چاہیدا اے: عبدالغفور حیدری

اسلام آباد: سینیٹر مولانا عبدالغفور حیدری آکھیا اے وزیراعظم کہہ رہے نیں تے فضل الرحمان نوں گرفتار ہونا چاہیدا اے، آخر رکاوٹ کون اے؟ اک واری گرفتار کرن دا تجربہ کرکے تے ویکھو۔

سینیٹ اجلاس نال خطاب وچ جمعیت علمائے اسلام (ف) دے سینیٹر عبدالغفور حیدری نے وزیراعظم دے بیان تے احتجاج کردیاں آکھیا عمران خان آرٹیکل 62تے پورا اترن تے میں استعفیٰ دے دیواں گا۔

سابق صدر پرویز مشرف نے ساڈے تے بغاوت دے مقدمے بنائے، اج اسیں کتھے تے اوہ کتھے نیں۔

عبدالغفور حیدری آکھیا کجھ دن پہلاں بیان دتا گیا مولانا فضل الرحمان نوں گرفتار کرنا چاہیدا اے تے آکھیا اوہناں تے آرٹیکل 6لاگو ہوندا اے۔

جے وزیراعظم کہہ رہے نیں تے مولانا فضل الرحمان نوں گرفتار ہونا چاہیدا اے پر سوال ایہ اے کہ رکاوٹ کون اے؟ سینیٹر مولانا عبدالغفوری حیدری دا کہنا سی 16مہینے دی تریخ وچ اوہناں نے جہڑے تاریخی اقدام کیتے نیں تے ایہ اقدام وی کرن۔

اپنا تبصرہ گھلو