مریم دا ناں ای سی ایل توں کڈھن لئی درخواست تے سماعت 11مارچ نوں مقرر

لہور: ہائی کورٹ نے مریم نواز دا ناں ای سی ایل توں کڈھن لئی درخواست تے سماعت 11مارچ نوں مقرر کردتی۔ اودھر جسٹس علی باقر نجفی دی سربراہی وچ 2رکنی بنچ نے چودھری شوگر ملز منی لانڈرنگ کیس وچ گرفتار یوسف عباس دی ضمانت تے رہائی دا تحریری فیصلہ جاری کر دتا ۔ تحریری فیصلہ 22ورقیاں تے مشتمل اے۔

تحریری فیصلے وچ تحریک انصاف دے سبطین خان دی ضمانت تے رہائی دے فیصلے دا حوالہ دتا گیا۔ تحریری فیصلے وچ آکھیا گیا یوسف عباس نے چودھری شوگر ملز دے اکاؤنٹ توں کوئی رقم نہیں کڈھوائی، ملزم یوسف عباس چودھری شوگر ملز دے اکاؤنٹ وچ وکھو وکھ اوقات وچ رقم جمع کرواندا رہیا، ایہ حقیقت اے کرپشن تے کرپٹ پریکٹسز ساڈے معاشرے وچ پھیل چکی اے۔