لوک کورونا ٹیسٹ کروان وچ ایناں تعاون نہیں کر رہے جناں ہونا چاہیدا اے: مراد علی شاہ

کراچی: وزیراعلیٰ سندھ مراد علی شاہ دا کہنا اے لوک کورونا ٹیسٹ کروان وچ ایناں تعاون نہیں کر رہے جناں ہونا چاہیدا اے۔

کراچی وچ وزیراعلیٰ سندھ سید مراد علی شاہ نال ورلڈ ہیلتھ آرگنائزیشن دے کنٹری ڈائریکٹر ڈاکٹر پلیتھا ماہیپالا نے ملاقات کیتی اے۔

ایس موقع تے وزیر صحت ڈاکٹر عذرا پیچوہو، پرنسپل سیکرٹری ساجد جمال ابڑو تے ڈبلیو ایچ او دی ڈاکٹر سارہ خان وی موجود سن۔

ڈبلیو ایچ او دے نمائندیاں نے سندھ سرکار دی کورونا وائرس دے خلاف پالیسی دی تعریف کردیاں زور دتا کہ نہ صرف سندھ سگوں پورے دیس وچ مقامی منتقلی نوں روکنا ضروری اے۔

دوران ملاقات مراد علی شاہ آکھیا اسیں کورونا دے روزانہ دی بنیاد تے 6600ٹیسٹ دی گنجائش کر دتی اے، لوک ٹیسٹ کروان وچ ایناں تعاون نہیں کر رہے جناں ہونا چاہیدا اے، اسیں کوشش کر رہے آں کہ ڈاکٹراں، نرساں تے دوجے طبی عملہ محفوظ رہوے، ساڈے ڈاکٹرز ٹھیک رہن گے تے دوجیاں دی زندگی بچا سکن گے۔

اپنا تبصرہ گھلو