مسافر دا سامان چوری کرن دے الزام وچ پی آئی اے دے 2ملازم گرفتار

کراچی: ایئر پورٹ پلس نے پی آئی اے دے 2ملازماں نوں چوری دے الزام وچ گرفتار کر لیا۔ پلس دے مطابق پی آئی اے دے ملازم شعیب تے کنٹریکٹ تے بھرتی ملزم سمیع اللہ نے ملتان جان والی مسافر خاتون دے سامان توں سونا چرایا سی جد کہ ملزمان دے قبضے توں چار لکھ روپے برآمد ہوئے نیں۔ پلس نے ملزماں دے خلاف مقدمہ درج کر کے ہور تحقیقات لئی انویسٹی گیشن پلس دے حوالے کر دتا۔

کجھ ہفتے پہلاں وی مسافر دے سامان توں چوری کرن دے الزام وچ پی آئی اے دے 5ملازماں نوں گرفتار کیتا جا چکیا اے۔ مسافراں دے سامان توں چوری دی وارداتاں وچ پی آئی اے ملازمین دے ملوث ہون تے مسافراں وچ غیر یقینی دی صورتحال پائی جاندی اے تے اوہناں نے اعلیٰ حکام توں مطالبہ کیتا اے پی آئی اے دے جہاز وچ سفر دے دوران اوہناں دے سامان دی حفاظت نوں یقینی بنایا جاوے۔

اپنا تبصرہ گھلو