پاکستان تے سعودیہ وچکار 16.1 ملین ڈالر دے معاہدیاں تے دستخط

Saudia

اسلام آباد: پاکستان تے سعودیہ وچکار 16.1 ملین ڈالر دے تن معاہدیاں تے دستخط کیتے گئے۔

وفاقی وزیر خزانہ اسد عمر نال سعودی فنڈ برائے ترقی دے چیئرمین تے ولی عہد دے مشیر عامر اجل فالخطیب دی قیادت وچ چھ رکنی وفد نے وزارت خزانہ وچ جمعرات نوں ملاقات کیتی، وفد وچ سعودی فنڈ برائے ترقی دے سینئر افسران شامل سن، دوواں ملکاں وچکار 16.1 ملین ڈالر دے تن معاہدیاں تے دستخط کیتے گئے، ایس موقع تے پاکستان وچ سعودی عرب دے سفیر نواف سعید المالکی وی موجود سن۔ وزیر خزانہ نے سعودی وفد نال ملاقات وچ دوطرفہ برادرانہ تعلقات نوں مضبوط بنان دے حوالہ نال تبادلہ خیال کیتا۔

ایس دوران سعودی فنڈ برائے ترقی دے تحت جاری منصوبیاں تے تبادلہ خیال کیتا گیا۔ ایہناں منصوبیاں تے کم دی رفتار نوں تیز کرکے مکمل کرن دے حوالہ نال وی جائزہ لیا گیا۔ وزیر خزانہ نے حکومت پاکستان نال سعودی فنڈ برائے ترقی دے ترقیاتی شراکت دار ہون دے کردار دی تعریف کیتی۔ دوواں پاسیوں آزاد جموں و کشمیر تے خیبر پختونخوا وچ صحت تے تعلیم دے تن منصوبیاں دے اجراء لئی مفاہمت دی یادداشت تے دستخط وی کیتے گئے۔

Add new comment

About text formats