پیپلزپارٹی دا بے نظیر انکم سپورٹ دا ناں بدلن دا اقدام ہائیکورٹ وچ چیلنج

لہور: پیپلزپارٹی نے بے نظیر انکم سپورٹ دا ناں تبدیل کرن دے اقدام نوں لہور ہائی کورٹ وچ چیلنج کر دتا۔ پیپلزپارٹی پنجاب دے صدر قمر زمان کائرہ نے ہائی کورٹ نوں آئینی درخواست دائر کر دتی۔ درخواست وچ وفاقی حکومت، وزارت خزانہ، سیکرٹری بے نظیر انکم سپورٹ سنے دوجیاں نوں فریق بنایا گیا اے۔ درخواست وچ موقف اپنایا گیا موجودہ حکومت نے بے نظیر انکم سپورٹ پروگرام دا ناں تبدیل کرکے احساس پروگرام رکھ دتا اے، 2010وچ پیپلزپارٹی نے غریب تے مستحق بندیاں لئی انکم سپورٹ پروگرام شروع کیتا، انکم سپورٹ پروگرام لئی بے نظیر انکم سپورٹ ایکٹ 2010بنایا گیا۔درخواست وچ موقف اپنایا گیا موجودہ حکومت نے قنونی تقاضے پورے کیتے بغیر پروگرام دا ناں تبدیل کیتا، بے نظیر انکم سپورٹ دا ناں تبدیل کرن لئی ایکٹ وچ ترامیم کرنا ضروری اے، عدالت توں استدعا اے کہ بے نظیر انکم سپورٹ پروگرام دا ناں احساس پروگرام رکھن دا اقدام کالعدم قرار دتا جائے۔