شرح سود برقرار، ایس مالی ورھے ترقی دی شرح 3.5فیصد متوقع اے: سٹیٹ بینک

کراچی: سٹیٹ بینک نے نویں مالیاتی پالیسی وچ شرح سود 13.25 فیصد برقرار رکھن دا اعلان کردیاں آکھیا اے بین الاقوامی ادائیگیاں دا زور گھٹ ہویا اے۔

مرکزی بینک ولوں آکھیا گیا اے اشیاء خوردونوش دیاں قیمتاں وچ وادھا مہنگائی دا جواز بن رہے نیں۔ مہنگائی دا زور برقرار اے۔ جون 2019دے مقابلے روپیہ 5.6فیصد مستحکم ہویا۔ سٹیٹ بینک دا کہنا اے ادائیگیاں دا توازن دا بہتر ہون نال روپے دی قدر نوں سہارا ملیا۔

ایس مالی ورھے جاری کھاتیاں دے خسارے وچ 73.5فیصد کمی ہوئی اے۔ ایس مالی ورھے ترقی دی شرح 3.5فیصد متوقع ا ے۔ مانیٹری پالیسی دے اعلان دے دوران مرکزی بینک ولوں آکھیا گیا اے جاری کھاتیاں وچ بہتری ویکھی جا رہی اے۔