پاکستانی کرکٹرز اپنے سائے توں وی ڈرن لگ پئے

کراچی: پاکستانی کر کٹرز اپنے سائے توں وی ڈر ن لگ پئے،،جد کہ لہور وچ زیادہ دیر کمریاں اندر تنہا گزاریا اے ،لیکن سارے نوں شدت نال کورونا دی رپورٹ آون دا انتظار اے ,10مثبت کورونا ٹیسٹ نے دوسرے پاکستانی کرکٹراں نوں بھی خوفزدہ کر دتا اے،تے او ہن زیادہ احتیاط کرن لگ پئے نیں،پہلی دفعہ کلیئر آون والے کھیڈاریاں دا پچھلے روز اک ہور وی ٹیسٹ ہوئیا،تے او ہ اوس دی رپورٹ آون دا بوہت شدت نال انتظار کر رہیے نیں،پی سی بی ہفتے نوں ایس حوالے نال اعلان کرے گا،رپورٹ دے مطابق اکثر اسکواڈ جد اکھٹے ہو کہ رات نوں اک دوجے نال کمریاں اندر گل بات کر دے نیں ،یا اک دوجے دے ساہمنے آون نال ہنسی مذاق تے گلے لگدے نیں ،لیکن ایس دفعہ کجھ وی نئیں ہوئیا،پچھلے دناں صرف ٹیسٹ ، فوٹو شوٹ تے لیکچرز لئی کرکٹرز کمریاں توں باہر نکلے سن ، بورڈ ولوں وی احتیاط کرن دا اعلان کیتا گیا اے ،مگر کھیڈاری فیر وی بوہت خوفزادہ نیں ،اوہ نئیں چاہیندے کہ کسی غلطی دی وجہ نال او دورہ انگلینڈ توں محرو م ہو جاون

اپنا تبصرہ گھلو