خیبر پختونخوا وچ پولیو دی طرز دے کورونا نمونے سیوریج توں لین دا فیصلہ

پشاور: خیبر پختونخوا اندر پولیو دی طرز اُتے کورونا دے نمونے سیورج توں لین دا فیصلہ کیتا گیا اے ،نمونیاں دے تجزیئے تے وائرس ساہمنے آون تےعلاقیاں نوں وی سیل کیتا جائے گا،محکمہ صحت نے بین الاقوامی ماہرین نال رابطے شروع کر دتے،ماہرین دے مطابق کورونا ٹیسٹ منفی ہوون دے باوجود دو ہفتاں تک انسا نی فضلے اندر موجود رہندا اے ،نمونیاں دے تجزئیے تو بعد متعلقہ علاقیاں نوں سیل کیتا جائے گا،وزیر صحت تیمور سلیم جھگڑا نے آکھیا کہ پلازمہ تے دیگر علاج اُتے کام جاری اے ایس حوالے نال ہور وی اقدامات کیتےجا رہیے نیں ،خیبر پختونخوا اندر ڈھائی سو تو ں ودھ علاقیاں اندر سمارٹ لاک ڈاؤن ہے جد کہ پشاور اندر چالیس توں ودھ علاقیاں نوں سیل کیتا گیا اے ،سیوریج اندر وائرل لوڈ نوں ٹیسٹ دے ذریعے ویکھیا جائے گا جس دی مدد نال معلوم کیتا جا سکے گا کہ کس علاقے اندر کناں وائرس موجود اے

اپنا تبصرہ گھلو