دیس وچ انڈر 14 ٹیم کھیڈ رہی اے: آصف زرداری

asif zardari

خیرپور: پاکستان پیپلزپارٹی دے شریک چیئرمین آصف زرداری نے آکھیا اے دیس وچ انڈر 14 ٹیم کھیڈ رہی اے تے کوئی وی بیورو کریٹ ایہناں حالات وچ کم کرن نوں تیار نہیں اے۔

خیرپور وچ پریس کانفرنس دے دوران آصف زرداری آکھیا دیس وچ انڈر 14 ٹیم کھیڈ رہی اے، عوام پریشان اے، ہر شے دی قیمت ودھ گئی اے، نوازشریف وانگوں ایہہ وی معاہدے دے تحت آئے نیں، کوئی وی بیورو کریٹ ایہناں حالات وچ کم کرن نوں تیار نہیں اے۔ منظور وسان دا خواب کہندا اے موجودہ حکومت اپنی مدت پوری نہیں کرے گی۔

آصف زرداری نے آکھیا عمران خان نے ہمیشہ یوٹرن لیا، حکومت نے اصل مظاہرین نال این آر او کر لیا، ہن ایہہ اوہناں 1200 غریباں نوں پھڑن گے جیہناں دِیاں تصویراں آئیاں نیں۔ اوہناں آکھیا سندھ حکومت نے پانی دے بحران نال نبڑن لئی کم کیتا، بھاشا ڈیم ساڈے ساریاں دی سوچ سی تے ہے، اوہدی فزیبلٹی وی ساڈی حکومت نے بنائی سی، ساڈی حکومت نے لوکاں دِیاں زمیناں دے پیسے دِتے۔

Add new comment

About text formats