قیام امن لئی شہیداں دِیاں قربانیاں ضائع نہیں جان گیاں: وزیراعظم

imran khan

اسلام آباد: وزیراعظم عمران خان آکھیا اے دیس وچ قیام امن لئی شہیداں دِیاں قربانیاں ضائع نہیں جان گیاں۔

وزیر اعظم عمران خان دی صدارت وچ وفاقی کابینہ دا اجلاس ہویا جیہدے وچ 21 نکاتی ایجنڈے تے غور کیتا گیا۔ اجلاس وچ موجودہ حکومت دے فیصلیاں تے عملدرآمد بارے رپورٹ دا جائزہ وی لیا گیا۔ کابینہ اجلاس دے ایجنڈے وچ سکیورٹی آف پاکستان ایکٹ دے تحت 5 خطرناک بندے رسول خان، وسیم اختر، حفیظ الیاس ، مشتاق تے ساجد علی نوں تحریل وچ رکھن، چیئرمین ٹریڈنگ کارپوریشن آف پاکستان دی تقرری، ارکان پارلیمان تے عوام لئی ٹیکس ڈائریکٹری 2017 شائع کرن دے علاوہ برطانیہ تے آئرلینڈ نال قیدیاں دے تبادلے دے معاہدے دی منظوری وی شامل سی۔ اجلاس دے شروع تے کابینہ نے مولانا سمیع الحق دے ایصال ثواب لئی فاتحہ خوانی کیتی، وزیراعظم نے آکھیا مولانا سمیع الحق دِیاں خدمتاں نوں ہمیشہ یاد رکھیا جاوے گا، دیس وچ قیام امن لئی شہیداں دِیاں قربانیاں ضائع نہیں جان گیاں۔

Add new comment

About text formats