کمشنر کراچی نے سمارٹ لاک ڈاؤن دے اختیارات ڈپٹی کمشنرز دے سپرد کر دتے

کراچی: کمشنر کراچی نے سمارٹ لاک ڈاؤن دے اختیارات ڈپٹی کمشنرز دے سپرد کر دتے، ضلع غربی وچ دو ہفتے لئی تے ملیر وچ5دن لئی توسیع کر دتی گئی، دوجے چار ضلعیاں وچ اجے فیصلہ نہ ہو سکیا۔ ڈپٹی کمشنر ملیر دے جاری نوٹیفکیشن دے مطابق گلشن حدید فیز ون، ٹو، سب ڈویژن بن قاسم وچ 3توں 7جولائی تک سخت لاک ڈاؤن رہوے گا۔ ضلع غربی وچ 3توں 17جولائی تک پابندیاں رہن گیاں۔ سونگل، کیماڑی، سعید آباد، میٹروول، داتا نگر تے مجاہد آباد دی یوسیز وچ کئی علاقے سیل رہن گے، ایس دوران دودھ دی دکاناں، میڈیکل سٹوراں، گوشت دی دکاناں تے چھوٹے جنرل سٹورز ایس او پی دے تحت کھولن دی اجازت ہووے گی۔

اپنا تبصرہ گھلو