لہور وچ کورونا دا خطرہ برقرار، 7علاقیاں وچ سمارٹ لاک ڈاؤن دا فیصلہ

لہور: لہور وچ کورونا دا خطرہ ہن وی برقرار ، 7علاقے ہاٹ سپاٹ وچ آ گئے، 68علاقے کھلن دے بعد لہور دے 7علاقیا ں وچ سمارٹ لاک ڈاؤن دا فیصلہ کیتا گیا اے۔واپڈا ٹاؤن، ای ایم ای سوسائٹی نوں مکمل بند کرن دا فیصلہ کیتا گیا اے، جوہر ٹاؤن، گرین ٹاؤن، چونگی امرسدھو، ٹاؤن شپ وچ سمارٹ لاک ڈاؤن ہووے گا۔ قائداعظم انڈسٹریل سٹیٹ دے کجھ حصیاں وچ وی لاک ڈاؤن کیتا جائے گا۔ وسیلیاں دے مطابق ای ایم ای سوسائٹی وچ 200مریض ساہمنے آگئے، واپڈا ٹاؤن وچ 360بندیاں وچ کورونا دی تصدیق ہوئی جد کہ 14دن وچ واپڈا ٹاؤن وچ 192مریض ساہمنے آئے۔ ایسے طرح جوہر ٹاؤن وچ 700مریض جد کہ 14دن وچ 310نویں مریض ساہمنے آئے، چونگی امرسدھو وچ 220مریض موجود نیں۔ ڈپٹی کمشنر لہور دے مطابق پچھلے تن ہفتیاں وچ کیتے جان والے سمارٹ سیمپلنگ دے نتائج آ گئے، کیسز زیادہ ہون تے لاک ڈاؤن دا فیصلہ کیتا گیا۔

اپنا تبصرہ گھلو