کورونا دے ودھ دے ہوئے کیسز: انگلینڈ دا دورہ بھارت ملتوی ہوون دا امکان

میڈیا روپورٹ دے مطابق بھارت تے انگلینڈ دے درمیان تین ٹی ٹوئنٹی تے تین ون ڈے میچز ستمبر وچ ہونے سن ۔اک بھارتی کرکٹ بورڈ دے آفیشل نے ایس گل دی تصدیق کیتی کہ موجودہ صورتحال وچ انگلینڈ دا بھارت آنا ممکن نہیں لگ رہیا ۔ انگلینڈ ٹیم ہن اگلے سال بھارت آ کے میچ کھیل سکدی اے ۔کورونا دی صورت حال وچ بھارتی بورڈ نوں اپنا کیلنڈر ترتیب دینا مشکل ہو گیا۔ جمعہ نوں اجلاس وچ ایس ایشو اُتے مشاورت ہونی اے ، رپورٹ دے مطابق بھارت وچ کورونا کیسز دی بہتات دے پیش نظر نیوزی لینڈ کرکٹ بورڈ نے اگل مہینے ٹیم بھارت بجھوان دی معذرت کر لئی جس توں بعد سیریز ہن ممکن نہیں رہی۔