اسلام آباد: کورونا نال ثقافتی سرگرمیاں پھیکی؛ آرٹس کونسل نے ٹیکنالوجی دا استعمال شروع کر دتا

اسلام آباد: شہر اقتدار وچ ثقافتی تے سماجی سرگرمیاں وی کورونا دے باعث پھیکی پے گئی ، شہریاں نے محفوظ ماحول وچ آرٹ تے ثقافت دے نال جُڑے رہن لئی پاکستان نیشنل کونسل آف آرٹس نے ٹیکنالوجی دا استعمال شروع کر دتا ۔کورونا دے باوجود ثقافتی رنگ کسی نہ کسی طرح بکھردے رہن ۔ پاکستان نیشنل کونسل آف آرٹس نے آن لائن تقریبات شروع کر دتی ۔ بچیاں دی تفریح لئی پپٹ شو دی سیریز شروع کیتی گئی اے تے چاراں صوبیاں دے سازندوں تے موسیقاراں دے پروگرام وی شہریاں دی تفریح دا ذریعہ بن رہیا اے ۔ڈائریکٹر جنرل پی این سی اے ڈاکٹر فوزیہ سعید دے مطابق اینہاں سرگرمیاں دا مقصد جیتھے ثقافتی رنگاں نوں زندہ رکھنا اے اوتھے اسی فنکاراں دے چولہے وی ٹھنڈے نہیں رکھنا چاہندے ، پی این سی اے اندر آن لائن ڈارئنگ، خطاطی، ڈانس، گٹارتے رباب دیاں کلاساں سمیت ور چوئل نمائش دا وی اہتمام کیتا جا رہیا اے ۔

اپنا تبصرہ گھلو