سوشل میڈیا تے بلاول دے خلاف مہم چلائی جا رہی اے: شیری رحمان

اسلام آباد: سینیٹر شیری رحمان آکھیا اے چیئرمین پیپلزپارٹی بلاول بھٹو دے خلاف سوشل میڈیا تے مہم چلائی جا رہی اے۔ سینیٹ وچ اظہار خیال کردیاں اوہناں دا کہنا سی سٹیل ملز تے پی ٹی ڈی سی دے ملازماں نوں کڈھ دتا گیا، پی آئی اے نوں تقریر کرکے ڈیگیا گیا۔ ٹھیک اے اسیں کوئی گل نہیں کھلائے سن پر جہازاں نوں ہوا وچ رکھیا سی۔ سینیٹر شیری رحمان نے مطالبہ کیتا سول ایوی ایشن نوں سد کے پچھیا جاوے کہ کیوں اجہے لائسنس دتے؟ اصل مسئلے تے گل نہیں ہو رہی۔ اوہناں دا کہنا سی وزیراعظم دی انا کیہ کشمیر ایشو توں ودھ اے۔ وزیراعظم ایس اجلاس توں اُٹھ کے چلے گئے سن۔ پاکستان دی تریخ وچ پہلی وار انج ہویا اے۔ شیری رحمان آکھیا انوکھے لاڈلے کرپٹ ترین ہو کے وی ملک توں باہر چلے جاندے نیں پر ساڈی لیڈر شپ عدالتاں وچ جا رہی اے۔ جمعرات نوں شہباز شریف تے جمعے نوں آصف زرداری دی پیشی ہووے گی۔ اوہناں نے سوال کیتا مالم جبہ تریخ دا کرپٹ ترین کیس اے، شوگر تے آٹا کمیشن تے کیہ ہویا؟

اپنا تبصرہ گھلو