کوئی بندہ ادارے توں تے کوئی ادارہ دیس توں وڈا نہیں ہونا چاہیدا: آرمی چیف

آرمی چیف

راولپنڈی: آرمی چیف جنرل قمر جاوید باجوہ نے آکھیا اے کوئی بندا ادارے توں تے کوئی ادارہ دیس توں بہتر نہیں ہونا چاہیدا۔

ڈی جی آئی ایس پی آر میجر جنرل آصف غفور نے نیوز بریفنگ وچ آرمی چیف جنرل قمر جاوید باجوہ دا پیغام پڑھ کے سنایا، پیغام وچ آرمی چیف نے آکھیا دیس نوں اک اک اِٹ لا کے فیر بنا رہے آں، جتھے آئین دے مطابق قانون دی بالادستی ہووے گی۔ آرمی چیف نے آکھیا طاقت دے استعمال دا استحقاق ریاست کول ہووے، جیہدے لئی کوئی بندہ ادارے توں تے کوئی ادارہ دیس توں بہتر نہ ہووے۔ واضح رہوے میجر جنرل آصف غفور نے نیوز بریفنگ وچ ملکی سکیورٹی، داخلی و سرحدی صورتحال، دہشت گردی دے خلاف جاری آپریشنز تے امن و امان بارے دوجے امور تے سوالاں دے جواب دِتے سن۔

Add new comment

About text formats