کورونا ہور 67زندگیاں کھا گیا، وائرس نال 2لکھ 55ہزار 769شہری متاثر

اسلام آباد: پاکستان وچ کورونا دے تصدیق شدہ کیساں دی تعداد2لکھ 55ہزار 769تک اپڑ گئی جد کہ اک دن وچ 67بندے جاں بحق ہو گئے جہدے بعد موتاں دی تعداد 5ہزار 386ہو گئی۔ نیشنل کمانڈ اینڈ آپریشن سینٹر دے تازہ ترین اعدادوشمار دے مطابق پچھلے24 گھنٹیاں دے دوران 2 ہزار 165 نویں کیسز رپورٹ ہوئے، پنجاب وچ 88 ہزار 45، سندھ وچ اک لکھ 7 ہزار 773، خیبر پختونخوا وچ 31 ہزار 1، بلوچستان وچ 11 ہزار 239، گلگت بلتستان وچ اک ہزار 708، اسلام آباد وچ 14 ہزار 315 جد کہ آزاد کشمیر وچ اک ہزار 688 کیسز رپورٹ ہوئے۔ملک بھر وچ ہن تک 16 لکھ 27 ہزار 939 بندیاں دے ٹیسٹ کیتے گئے، پچھلے 24 گھنٹیاں دے دوران 21 ہزار 749 نویں ٹیسٹ کیتے گئے، ہن تک اک لکھ 72 ہزار 810 مریض صحت یاب ہوچکے نیں جد کہ2 ہزار 78 مریضاں دی حالت تشویشناک اے۔پاکستان وچ کورونا توں اک دن وچ 67 بندے جاں بحق ہوگئے جہدے بعد وائرس نال مرن والیاں دی تعداد 5 ہزار 386 ہوگئی۔ پنجاب وچ 2 ہزار 43، سندھ وچ اک ہزار 863، خیبر پختونخوا وچ اک ہزار 114، اسلام آباد وچ 155، بلوچستان وچ 127، گلگت بلتستان وچ 38 تے آزاد کشمیر وچ 46 مریض جان توں ہتھ دھو بیٹھے۔