لہور: کالے بدل وَس پئے ،تیز بارشاں تے موسم خوشگوار

لہور : محکمہ موسمیات نے مون سوم دا حالیہ سپیل آون والے 3گھنٹے تک جاری کرن دا امکان طاہر کر دتا ۔لہور شہر دے کجھ علاقیاں وچ تیز بارش نال درجہ حرارت گھٹ گیا ۔لہور وچ بارشاں تے ہواواں چلن نال گرمی دی شدت گھٹ گئی ، لہور گھٹ توں گھٹ درجہ حرارت 26جد کہ ودھ توں ودھ37ڈگری سینٹی گریڈ ہو گیا ۔دُجے پاسے ملک دے کجھ علاقیاں وچ موسم گرم رہیگا ، محکمہ موسمیات دے مطابق خیبر پختونخوا ، بالائی، وسطی پنجاب تے کشمیر وچ تیز ہواواں تے گرج چمک نال بارشاں دا امکان اے ۔ایس دوران سندھ وچ کئی علاقیاں اندر بارش دی توقع اے ۔گزشتہ 24گھنٹے دے دوران پنجا ب، کشمیر ، خیبر پختونخوا تے سندھ وچ آندھی تے گرج چمک نال بارش ہوئی ، سب توں زیادہ اسلام آباد وچ 57ملی میٹر ریکارڈ کیتی گئی ۔ایس دے علاوہ مری15، سیالکوٹ 10، گجرات02،گڑھی دوپٹی13، راولا کوٹ08، کوٹلی04، سیدو شریف07، کاکول06، تے کراچی وچ01ملی میٹر بارش ریکارڈ کیتی گئی ۔