خام تیل وچ کمی دے باوجود پاکستانی بیرونی ادائیگیاں دی صورتحال مخدوش رہوے گی: رپورٹ

خام تیل

کراچی: پاکستانی معیشت دی نمومالی سال 2018-19وچ 4.4فیصد رہوے گی جد کہ بجٹ خسارہ پچھلے مالی ورھے دے مقابلے وچ 5.8فیصد توں ودھ کے ایس مالی ورھے وچ 6فیصد تیک رہن دا امکان اے۔

ملکی معاشی معاملیاں تے ڈونگی نظر رکھن والے ادارے فچ سولوشن دی رپورٹ دے مطابق خام تیل دے علاوہ دوجیاں درآمدات وچ کمی پاکستانی نمو تے اثر انداز ہووے گی تے خام تیل وچ کمی دے باوجود پاکستان دی بیرونی ادائیگیاں دی صورتحال مخدوش رہوے گی۔ رپورٹ دے مطابق عالمی تجارتی سرگرمیاں سست روی دا شکار ہون دے اندازے نیں جیہڑیاں پاکستانی برآمدات تے اثر انداز ہون گیاں۔ رپورٹ وچ آکھیا گیا اے پاکستانی برآمدات دی ڈالر مالیت سال در سال تقریباً 13فیصد گھٹ ہوئی تے پاکستانی برآمدات ڈالر وچ 20فیصد گھٹ ہو چکیاں نیں جیہڑی ہور 20توں 30فیصد گھٹ ہون دا امکان اے۔ رپورٹ دے مطابق ریونیو گروتھ وچ کمی دی وجہ توں حکومت دی توجہ اگلے کجھ مہینے دے دوران اخراجات وچ کمی تے آئی ایم ایف توں بیل آؤٹ پروگرام دے حصول تے اے۔

Add new comment

About text formats