کراچی سمیت صوبائی مسائل حل کرن لئی وفاق تے سندھ حکومت دی مشاورتی کمیٹی تشکیل

کراچی ( بھلیکھا ٹی وی ) کراچی سمیت سندھ دے مسائل حل کرن لئی وفاقی تے سندھ حکومت اکھٹی ہو گئی ، مسائل دے حل لئی مشاورتی کمیٹی تشکیل دتی گئی ، ترجمان سندھ حکومت مرتضیٰ وہاب نے کمیٹی تشکیل دیون دی تصدیق کر دتی ۔مشاورتی کمیٹی وچ وفاق تے سندھ حکومت دے تین تین نمائندے شامل ہوون گے ، وفاق ولوں وفاقی وزرا ، اسد عمر ، علی زیدی تے امین الحق شامل ہوون گے ، جد کہ سندھ ولوں صوبائی وزراء ناصر شاہ تے سعید غنی شامل ہوون گے ، کمیٹی دے چیئرمین وزیر اعلیٰ سندھ مراد علی شاہ ہوون گے ۔ایس حوالے نال ترجمان سندھ حکومت مرتضیٰ وہاب نے آکھیا کہ کراچی سمیت سندھ دے مسائل حل کرن لئی وفاقی تے سندھ حکومت دے مذاکرات دے دن لنگ چکے نیں ، ساریاں حکومتاں مل کے کم کریں تے مسئلے حل ہوون گے ، سندھ حکومت صوبے دی ترقی لئی مل کے کم کرن لئی ہمیشہ تیار اے ، کمیٹی صوبے دے ترقیاتی کمان وچ آون والیں رکاوٹاں نوںدور کرے گی ۔

اپنا تبصرہ گھلو