آف شور کمپنی سکینڈل: نیب نے عبد العلیم خان نوں پھڑ لیا

Arrested

لہور: آف شور کمپنی سکینڈل وچ نیب نے سینئر وزیر عبد العلیم خان نوں پھڑ لیا۔

صوبائی وزیر نوں کل احتساب عدالت وچ پیش کیتا جاوے گا تے 15 دیہاڑہ جسمانی ریمانڈ دی استدعا کیتی جاوے گی، عبد العلیم خان دی گرفتاری توں پہلاں سپیکر پنجاب اسمبلی نوں اعتماد وچ لیا گیا۔صوبائی وزیر اطلاعات فیاض الحسن چوہان نے نجی نیوز چینل نال گل بات کردے ہوئے آکھیا کہ نیب نے عبد العلیم خان نوں حراست وچ لیا اے، اوہ دوجی وار پیش ہوئے، اوہناں نے دوران پیشیاں کوئی اعتراض نہیں کیتا، اک پاسے شریف برادران تے آل شریف نیں جہناں دا شور تسیں سن رہے اوہ۔ فیاض الحسن چوہان دا آکھنا اے عبد العلیم خان باعزت بری ہو کے باہر آون گے، نیب نوں ساریاں دا چیک اینڈ بیلنس کرن دا حق اے، عبد العلیم خان خلاف کجھ ثابت نہ ہویا تے اوہ باہر آ جاون گے، جے کجھ ثابت ہویا تے نیب نوں تحقیقات دا حق حاصل اے۔

اوہناں نے آکھیا نیب نے عبد العلیم خان نوں مجرم ڈکلیئر نہیں کیتا صرف تحقیقات لئی تحویل وچ لیا اے۔ یاد رہوے 6 مہینے بعدوں عبد العلیم خان چوتھی وار نیب وچ پیش ہوئے، عبدا لعلیم خان دی آخری پیشی 10 اگست 2018 نوں ہوئی، نیب بیرون ملک آف شور کمپنیاں توں متعلق تحقیقات کر رہیا اے، نیب نے عبد العلیم خان نوں آف شور کمپنی سکینڈل دی پچھ گچھ لئی طلب کیتا سی۔

Add new comment

About text formats