مصر وچ خاتون صحافی تے شیر دا حملہ

lion

قاہرہ: مصر دے سرکاری ٹیلی وژن دی عمارت وچ شیر نے حملہ کر کے خاتون صحافی نوں زخمی کر دتا۔

شیر نوں بالاں لئی نشر ہوون والے اک پروگرام وچ وکھایا جانا سی جہنوں ٹی وی عمار ت دے مرکزی دروازے تے ٹرینر نال سکیورٹی کلیئر نس لئی روکیا گیا سی۔

میڈیا رپورٹ دے مطابق شیر تے اوس دا تربیت کار ریکارڈنگ وچ شریک ہوون لئی پہنچے تے سکیورٹی اہلکاراں نے شیر نوں پنجرے دے بغیر عمارت وچ داخل ہوون توں روک دتا۔ ٹرینر سکیورٹی اہلکاراں نوں یقین دوان دی کوشش کردا رہیا کہ شیر محض اک پالتو جانور تے پورا سدھایا ہویا اے جیہڑا قطعا خطر ناک نہیں، ایسے دوران شیر نے موقع ملن تے پروگرام دی خاتون ایڈیٹر لمیاء شاہین تے حملہ کر دتا جہدے نال اوس دا ہتھ زخمی ہوگیا جد کہ اوتھے موجود لوکاں وچ خوف پھیل گیا۔مصری ٹیلی وژن دے اک ذمے دار ذریعے نے میڈیا نوں دسیا کہ لمیاء نوں ہسپتال منتقل کر کے ضروری ویکسین دتی گئ جہدے بعدوں اوہناں نے پروگرام دے حوالے نال کم جاری رکھیا۔ عمارت وچ شیر دے داخلے نوں مسترد کر دتا گیا تے پروگرام وچ شیر دی رَلت نوں خطر ناک قرار دیندے ہوئے واپس گھل دتا گیا۔

 

 

 

 

Add new comment

About text formats