اشرف غنی دی افغانستان وچ دفتر کھولن دی پیشکش طالبان نے ٹھکرا دتی

afghan president

کابل: افغانستان دے صدر اشرف غنی نے طالبان نوں ملک دے کسے وی شہر وچ دفتر کھولن دی دعوت دے دتی۔ طالبان نے پیشکش مسترد کر دے ہوئے مطالبہ کیتا اے کہ عالمی برادری قطر وچ موجود طالبان دے دفتر نوں مَن لئے۔

ادھر امریکی وزیر دفاع نے کابل دے اچانک دورے وچ افغان حکومت نال امن مذاکرات وچ شامل ہوون تے زور دتا۔افغان صدر اشرف غنی نے طالبان نوں ملک دے کسے وی حصے وچ دفتر کھولن دی پیشکش کر دتی۔ صوبہ ننگر ہار دے دورے دے دوران افغان صدر دا آکھنا سی کہ اوہ افغانستان وچ باوقار تے دیر پا امن لیانا چاہندے نیں۔

ایس سلسلے وچ طالبان لئی ملک دے کسے وی شہر وچ دفتر کھولن لئی تیار نیں۔ طالبان نے افغان صدر دی پیشکش مسترد کر دے ہوئے مطالبہ کیتا کہ عالمی برادری دوحہ وچ موجود طالبان دے دفتر نوں مَن لئے۔ ادھر امریکی نمائندہ خصوصی زلمے خلیل زاد پاکستان افغانستان سَنے 6 عالمی دورے تے روانہ ہو گئے نیں۔ ایس دوران اوہ افغان امن عمل لئی جاری کوششاں وچ اتحادیاں نال مشاورت کرن گے۔ امریکی محکمہ خارجہ دے مطابق مذکورہ دورہ افغان امن عمل لئی جاری کوششاں دا حصہ اے۔

 

 

 

 

Add new comment

About text formats