اصغر خان عملدرآمد کیس ، 4ہفتے وچ انکوائری پوری کرن دا حکم

supreme court

اسلام آباد: سپریم کورٹ نے اصغر خان عملدرآمد کیس وچ ملوث افسراں دے خلاف چار ہفتے وچ انکوائری پوری کرکے رپورٹ پیش کرن دا حکم دے دِتا۔ جسٹس گلزار احمد دی سربراہی وچ تن رکنی بنچ نے اصغر خان عملدرآمد کیس دی سماعت کیتی۔

دوران سماعت جسٹس گلزار احمد نے استفسار کیتا کیہ کورٹ مارشل کارروائی کیوں نہیں شروع ہوئی، نوے دی دہائی وچ بانی متحدہ تے ایم کیو ایم نوں وی پیسے ملے سن، کیس وچ اوہناں دا ناں ساہمنے آیا نہ ای ایف آئی اے رپورٹ وچ کوئی ذکر اے۔ اٹارنی جنرل نے دسیا کہ ایف آئی اے رپورٹ وچ بانی ایم کیو ایم دا ناں سی، اوہ ہن پاکستان وچ نہیں، متحدہ بانی تے دوجے ملزماں دی حوالگی لئی برطانیہ نال گل بات جاری اے، جہدے وچ بڑی جلدی اہم پیش رفت متوقع اے۔ جسٹس گلزار احمد نے آکھیا ایف آئی اے تے ہتھ کھڑے کرنا چاہندا اے۔ عدالت نے مقدمے دی ہور سماعت چار ہفتیاں لئی ملتوی کر دِتی۔

 

Add new comment

About text formats