صرافہ مارکیٹ گوجرانوالہ وچ نقلی سونے دی فروخت دا انکشاف

Gold

گوجرانوالہ: صرافہ مارکیٹ گوجرانوالہ وچ نقلی سونے دی خردو فروخت عروج اُتے اے، سونے جیہی دھات نال بنے زیور نے سناریاں نوں وی چکرا کے رکھ دتا، نو سر بازاں نے کجھ ہفتیاں وچ سنیاریاں نوں لکھاں دا روپے دا چونا لا دتا۔

اصلی سونے دی پہچان سنیاریاں نوں ای نہ رہی تے فیر بھلا عام انسان کیہ کرے گا، مارکیٹ وچ نقلی سونے دی خریدو فروخت نال سب پریشان نیں، جعل سازاں نے نہ صرف نقلی سونا بنان دا کم شروع کیتا اے بلکہ فروخت دے ویلے مارکیٹ وچ بیٹھے سنیاریاں نوں چکما دیون لئی نقلی سونے دے نال عرب ملکاں دیاں رسیداں وی دتیاں جاندیاں نیں۔

نوسر باز نقلی سونا زیادہ تر چوڑیاں ، کڑیاں تے مالا سیٹ دی شکل وچ تیار کر کے مارکیٹ وچ ویچ رہے نیں، جہنوں پہچانن وچ سنار وی دھوکا کھا جاندے نیں۔

 

 

Add new comment

About text formats