ایپکس کمیٹی اجلاس، سندھ وچ مدارس تعلیمی اداریاں دے طور تے رجسٹرڈ کرن دا فیصلہ

کراچی: وزیراعلیٰ ہاؤس کراچی وچ سندھ ایپکس کمیٹی دے اجلاس وچ مدارس دی رجسٹریشن، سٹریٹ کرائم، سیف سٹی پراجیکٹ سنے دوجیاں تے اہم فیصلے کیتے گئے۔ 18

مہینے بعد وزیراعلیٰ مراد علی شاہ دی زیر صدارت سندھ ایپکس کمیٹی دا اجلاس ہویا جہدے وچ صوبائی وزیراں، کور کمانڈر کراچی، ڈی جی رینجرز، آئی جی سندھ، کمشنر کراچی سنے دوجیاں نے رلت کیتی۔ وزیراعلیٰ سندھ نے سیف سٹی اتھارٹی دی قنون سازی مکمل کرن دی ہدایت کر دتی جہدے وچ دس ہزار کیمریاں دی تنصیب، اسلحہ دی رجسٹریشن و دیگر شامل نیں۔

لوکاں دی نقل و حرکت تے نظر رکھن لئی اجلاس وچ شہر دے داخلی، خارجی راستیاں تے سی سی ٹی وی کیمرے نصب کرن دا فیصلہ کیتا گیا۔

آئی جی نے بریفنگ وچ دسیا سندھ، بلوچستان تے سندھ، پنجاب بارڈراں تے 16پلس سٹیشنز قائم کیتے گئے نیں۔ سندھ دے 8ہزار 195مدرسیاں نوں تعلیمی اداریاں دے طور تے محکمہ تعلیم توں رجسٹرڈ کران دا فیصلہ وی ہویا۔

سٹریٹ کرائم تے جاری قنون سازی بارے سیکرٹری قنون نے بریفنگ دتی، دسیا کہ نویں قنون دی تیاری لئی ہائی کورٹ نال مشاورت جاری اے۔ وزیراعلیٰ سندھ آکھیا صرف قنون بنانا کافی نہیں، عملدرآمد ضروری اے۔