ایتھوپیا حادثہ، امریکی کمپنی دے دنیا بھر وچ طیارے گرائونڈ کر دتے گئے

america

ادیس ابابا: ایتھوپیا وچ حادثے بعدوں امریکی طیارہ ساز کمپنی نوں تاریخی بحران دا سامنا کرنا پے گیا، کئی ملکاں بعدوں امریکا وچ وی طیارے دی بندش، دنیا بھر وچ بوئنگ 737 میکس گرائونڈ کر دتے گئے۔

ایتھوپیا وچ طیارے دے حادثے بعدوں امریکا نے وی بوئنگ سیون تھری سیون میکس تے نائن طیارے گرائونڈ کر دتے۔ امریکی ایوی ایشن اتھارٹی دے مطابق ایتھوپیا وچ حادثے دے مقام تے جمع شواہد تے سیٹلائٹ توں حاصل ڈیٹا دی روشنی وچ طیارے گرائونڈ کرن دا فیصلہ کیتا گیا اے۔ امریکی طیارہ ساز کمپنی بوئنگ نے اک بیان وچ آکھیا اے کہ اوہ عارضی طور تے اپنے جدید ترین بوئنگ 737 میکس طیاریاں نوں گرائونڈ کر رہی اے۔

چین ، ایتھوپیا، انڈونیشیا، سنگاپور، آسٹریلیا، عمان، فرانس تے بھارتے سَنے کئی ملکاں بوئنگ 737 میکس طیارے گرائونڈ کرن یا ایس لئی اپنی فضائی حدود بند کرن د ااعلان کر چکے نیں۔ ایتھوپیا وچ بوئنگ737 میکس طیارہ ڈِگن نال سارے 157 مسافر ہلاک ہو گئے سن، پنج مہینیاں وچ طیارے نوں پیش آون والا ایہہ دوجا مہلک حادثہ سی۔

Add new comment

About text formats