بھج کے جان بچائی، سارے کرکٹرز خیریت نال نیں: کپتان تمیم اقبال

Tamim Iqbal

کرائسٹ چرچ: نیوزی لینڈ دے شہر کرائسٹ چرچ وچ فائرنگ دے واقعے وچ بنگلہ دیش دی کرکٹ ٹیم بال بال بچ گئی، کپتان تمیم اقبال دا کہنا اے بھج کے جان بچائی سارے کرکٹرز خیریت نال نیں۔

فائرنگ ویلے بنگلہ دیش دی کرکٹ ٹیم نماز جمعہ دی ادائیگی لئی مسیت وچ موجود سی۔ کھڈاریاں نے بھج کے جان بچائی۔ واقعے دے فوراً بعدوں کپتان تمیم اقبال نے اپنے ٹویٹ وچ آکھیا ٹیم دے سارے کھڈاری محفوظ نیں۔بنگلہ دیشی کھڈاری مشفیق الرحمان دا ٹویٹ وچ کہنا سی اسیں بڑے خوش قسمت رہے کہ فائرنگ دے ایس واقعے وچ اللہ تعالیٰ نے سانوں محفوظ رکھیا، اسیںکدی نہیں چاہواں گے کہ ایسراں فیر ہووے۔

بنگلہ دیش دے کرکٹ بورڈ نے وی سارے کھڈاریاں دے محفوظ ہون دی تصدیق کیتی اے۔ دہشت گردی دے واقعے مگروں نیوزی لینڈ تے بنگلہ دیش وچکار ہون وال تیجا ٹیسٹ میچ منسوخ کر دِتا گیا اے۔

 

 

Add new comment

About text formats