لہور: تیز بارش نے انتطامیہ دی کارکردگی دا پول کھول دتا

لہور ( بھلیکھا ٹی وی ) لہور وچ ڈیڑھ گھنٹے دی تیز بارش نے پورے شہر وچ جل تھل کر دتی ، انتظامیہ لئی پانی دا نکاس چیلنج بن گیا ، کئی اہم سڑکاں ڈُب گیاں ، نشیبی علاقے دریاواں دا منظر پیش کرن لگے ، محکمہ موسمیات نے بارش دا سلسلہ جاری رہن دی پیشگوئی کیتی اے ۔شہر دے مختلف علاقیاں وچ ہوون والی بارش نے گرمی تے حبس دا زور ٹُٹ گیا ، بارش صبح 5وج کے20منٹ تے شروع ہوئی تے7وج کے5منٹ تک ہندی رہی م سب توں زیادہ بارش تاج پورہ وچ62ملی میٹر ریکارڈ کیتی گئی ۔لکشمی چوک وچ61، جیل روڈ 53 اعشاریہ 6، گلبرگ 47، مغلپورہ 46، گلشن راوی 44، اپر مال 39 تے پانی والا تالاب وچ36 ملی میٹر بارش ہوئی، فرخ آبادوچ 32، ایئر پورٹ 26، اقبال ٹان 19، چوک ناخدا 15، جوہر ٹان 7، نشتر ٹان 6 تے سمن آباد وچ 5 اعشاریہ 7 ملی میٹر بارش ریکارڈ کیتی گئی۔دُجے پاسے لہور وچ62ملی میٹر تک ہوون والی بارش نے واسا دا پول کھول دتا ، اہم سڑکاں تے نشیبی علاقے ڈب گئے ، بی بی پاک دامن دے علاقے دیاںگلیاں تالاب دا منظر پیش کرن لگیاں ، ایمپریس روڈ، حاجی کیمپ بوہڑ والا چوک تے ریلوے سٹیشن اُتے وی بارش نے پانی پانی کر دتا ۔