گیس دیاں قیمتاں وچ وادھا ناگزیر، 75 توں 80 فیصد ہوسکدااے: چیئرپرسن اوگرا

Uzma

لہور: چیئرپرسن اوگرا عظمی عادل دا آکھناا ے سوئی گیس دیاں قیمتاں وچ وادھا ناگزیر اے، جیہڑا 75 توں 80 فیصد ہوسکدا اے، نویاں قیمتاں دا اطلاق یکم جولائی توں ہووے گا۔

چیئرپرسن اوگرا عظمی عادل نے میڈیا نال گل بات کردے ہوئے آکھیا گیس دی قیمت خرید وچ وادھا ہویا اے، 2 ورھے توں گیس دیاں قیمتاں نہیں ودھ سکیاں، قیمت خرید تے فروخت وچ فرق ودھ گیا اے، 723 روپے فی ایم ایم بی ٹی یو گیس دی قیمت وچ وادھا منگیا گیا اے۔ اوہناں نے آکھیا سوئی نادرن دے غیر ضروری اخراجات نوں نہیں منیا جاوے گا، ڈالر دی قیمت ودھنا وی اک فیکٹر اے، ایس این جی پی ایل دے دیوالیہ ہوون دا امکان نہیں، حکومت ایہو جہیاں کمپنیاں نوں دیوالیہ نہیں ہوون دیندی۔

عظمی عادل نے دسیا کہ سردیاں وچ اوور بلنگ پاروں چوتھا سلیب ریٹ تے پریشر فیکٹر سی، کسے نوں معاہدے توں لاہ کے پریشر لگیا اے تے اینج ریفنڈ ملے گا، اوور بلنگ دے ذمہ داراں دا تعین وزیر اعظم دی کمیٹی کرے گی۔

Add new comment

About text formats