جہنے سندھ دی ونڈ دا سوچیا اوہ ٹکڑے ٹکڑے ہو گیا: وزیراعلیٰ سندھ

Murad Ali Shah

 

کراچی: وزیراعلیٰ سندھ سید مراد علی شاہ نے متحدہ قومی موومنٹ دا ناں لئے بغیر آکھیا اے جہنے سندھ دی ونڈ دا سوچیا اوہ ٹکڑے ٹکڑے ہو گیا، دسو ہور کِنے ٹکڑے چاہندے او؟صوبائی اسمبلی دے اجلاس نال خطاب کردیاں وزیراعلیٰ سندھ مراد علی شاہ نے ایم کیو ایم اراکین نوں کسے دے پریشر وچ آ کے لیڈر تبدیل کرن دا طعنہ وی دِتا۔

اوہناں نے دوٹوک موقف اختیار کردیاں اک واری فیر دہرایا کہ سبھ سن لین، اٹھارویں ترمیم ختم نہیں ہووے گی۔ سندھ اسمبلی اجلاس وچ حکومتی تے اپوزیشن اراکین نے اک دوجے دے خلاف شدید نعرہ بازی کیتی جہدے نال ایوان مچھلی منڈی دا منظر پیش کرن لگا۔ سپیکر نے اپوزیشن اراکین توں آکھیا تسیں لوک بیٹھ جاؤ، جدوں تہاڈی قرارداد آوے گی اودوں گل کرن۔ اوہناں دا کہنا سی پوری دنیا بھٹو نوں من دی اے، ایہہ کجھ وی کہن، ساڈا لیڈر اک اے تے ہمیشہ من دے نیں۔

اوہناں اوہناں وانگوں نہیں کسے ہور دے پریشر وچ آ کے اپنا لیڈر تبدیل کر دیئے۔ مراد علی شاہ آکھیا کوئی ہور صوبائی حکومت تھر جہیا منصوبہ نہیں لیا سکی۔ فیز ٹو دے پلانٹ دی کنسٹرکشن وی شروع ہو چکی اے۔ پاکستان نوں ایٹمی قوت بنان توں گھٹ ایہہ کامیابی نہیں اے۔ تھر دے لوک مبارکباد دے مستحق نیں۔ تھر نے پاکستان نوں بدل دِتا اے۔

Add new comment

About text formats