نواں صوبہ ملتان، بہاولپور ڈویژن تے ڈی جی خان دے ضلعیاں تےمشتمل ہووے گا

shah mehmood

ملتان: شاہ محمود قریشی نے آکھیا اے کہ جنوبی پنجاب صوبے لئی آئین وچ ترمیم درکار اے، نواں صوبہ ملتان، بہاولپور ڈویژن تے ڈی جی خان دے ضلعیاں تے مشتمل ہووے گا، آبادی دی بنیاد تے سیٹاں تے سینیٹ وچ نمائندگی ملے گی۔

وزیر خارجہ شاہ محمود قریشی نے پریس کانفرنس نال خطاب کردے ہوئے آکھیا تحریک انصاف نے جنوبی پنجاب نوں وکھرا کرن دا وعدہ کیتا سی، قومی اسمبلی وچ آئینی ترمیمی بل پیش کر دتا گیا اے، بل تے اتفاق رائے لئی سپیکر خصوصی کمیٹی تشکیل دیون گے۔ شاہ محمود قریشی دا آکھنا سی جنوبی پنجاب صوبہ ملتان، ڈی جی خان ، بہاولپور ڈویژن دے ضلعیاں تے مشتمل ہووے گا، جنوبی پنجاب دی وکھری اسمبلی آئینی ترمیمی بل وچ تجویز کیتی گئی اے، بل وچ جنوبی پنجاب اسمبلی لئی 120 سیٹاں تجویز کیتیاں گئیاں، آئینی ترمیمی بل دی منظوری نال پنجاب اسمبلی دیاں سیٹاں 251 ہو جاون گئیاں۔اوہناں نے آکھیا جنوبی پنجاب صوبے بارے پیپلز پارٹی دے سینئر رہنماوان نال گل ہوئی، آرٹیکل 218 وچ ترمیم کے کے 5 صوبے بن جاون گے۔

Add new comment

About text formats