مینوں کجھ ہویا تے عمران خان دے خلاف ایف آئی آر درج کراواں گا: شہباز شریف

اسلام آباد: مسلم لیگ (ن) دے صدر شہباز شریف آکھیا اے جے مییری کمر نوں کجھ ہویا یا میری جان گئی تے ایہدی ایف آئی آر عمران خان تے شہزاد اکبر دے خلاف درج کراواں گا۔ لہور دی احتساب عدالت وچ شہباز شریف تے اوہناں دے اہل خانہ دے خلاف منی لانڈرنگ تے اثاثہ جات کیس دی سماعت ہوئی۔ نیب ولوں شہباز شریف تے حمزہ شہباز نوں عدالت وچ پیش کیتا گیا۔ دفتر خارجہ ولوں جمع کرائی گئی رپورٹ وچ عدالت نوں دسیا گیا کہ برطانیہ وچ سلمان شہباز دے وارنٹ گرفتاری کسے نے وصول نہیں کیتے۔ دوران سماعت عدالت نوں دسیا گیا کہ کیس دے ملزم حمزہ شہباز دا کورونا توں صحت یاب ہو گئے نیں اوہناں دا کوویڈ 19ٹیسٹ منفی آیا اے۔

دوران سماعت شہباز شریف نے عدالت توں شکایت کیتی کہ سارا زمانہ جان دا اے کہ مینوں کمر دی تکلیف اے، پہلاں کھانا مینوں اندر میز تے دیندے سن، ہن جان بوجھ کے زمین تے رکھ دیندے نیں تاں جے مینوں جھکنا پوے۔ شہباز شریف دی شکایت تے عدالت نے برہمی دا اظہار کردیاں آکھیا شہباز شریف وزیراعلیٰ پنجاب رہ چکے نیں اوہناں دی عزت لازمی اے، ایہ بالکل برداشت نہیں کیتا جائے گا کھانا زمین تے رکھیا جائے، آئندہ اجہی شکایت نہ آئے۔ جے سپروائزر وزٹ کر لواں تے آکھیا جائے گا جج ملن چلا گیا۔