کراچی سنے پورے سندھ لئی ہیٹ ویو الرٹ جاری

hot weather

کراچی: محکمہ موسمیات نے کراچی سنے پورے سندھ لئی ہیٹ ویو الرٹ جاری کر دتا۔ کراچی وچ پچھلے کجھ دناں توں ہون والی گرمی نے ہیٹ ویو دی صورت اختیار کر لئی اے تے محکمہ موسمیات نے کراچی سنے سندھ بھر لئی ہیٹ ویو الرٹ جاری کردیاں ہوئیاں متعلقہ اداریاں نوں ضروری اقدامات کرن دی ہدایت کیتی اے۔

محکمہ موسمیات دا کہنا اے شہر وچ اگلے 6توں 8دن تک ہیٹ ویو برقرار رہوے گی تے دن دے اوقات وچ درجہ حرارت 40توں 42ڈگر سینٹی گریڈ تک جان دا امکان اے، شہری 11توں 4وجے دے دوران بغیر ضرورت گھراں توں باہر نہ نکلن۔ محکمہ موسمیات نے دسیا اے وسطی ایشیا وچ موجود ہوا دا زیادہ دباء ہیٹ ویو دی وجہ اے، پر شہر وچ شمال تے شمال مغربی سمت توں ہواواں چلدیاں رہن گیاں۔

اپنا تبصرہ گھلو