مولانا ڈاکٹر عادل خان جامعہ فاروقیہ وچ سپرد خاک

molana dr adil khan

کراچی: شیخ الحدیث مولانا ڈاکٹر عادل خان دی نماز جنازہ جامعہ فاروقیہ وچ ادا کیتی گئی۔ پچھلے دیہاڑ کراچی دے علاقے شاہ فیصل کالونی وچ شہید کیتے گئے شیخ الحدیث مولانا عادل خان دی نماز جنازہ جامعیہ فاروقیہ حب ریور وڈ تے ادا کیتی گئی۔ مولانا عادل خان دی نماز جنازہ اوہناں دے وڈے بھرا مولانا عبید اللہ خالد نے پڑھائی۔ نماز جنازہ وچ جید عالم دین مفتی تقی عثمانی، مفتی رفیع عثمانی، مولانا حنیف جالندھری، سینیٹر عبدالغفور حیدری، مولانا راشد سومرو، مہتمم جامعہ بنوریہ مفتی نعمان تے حافظ نعیم الرحمان دی قیادت وچ جماعت اسلامی دے وفد دے علاوہ طلبہ تے عقیدت منداں سنے دوجے شعبہ ہائے زندگی نال تعلق رکھن والے بندیاں دی چوکھی تعداد نے رلت کیتی۔بعدوں مولانا عادل شہید دی تدفین جامعہ فاروقیہ وچ اوہناں دے والد مولانا سلیم اللہ خان دے پہلو وچ کردتی گئی۔

اپنا تبصرہ گھلو