سلیکٹڈ حکمراناں نے دیس دا بیڑا غرق کر دتا اے: امیر حیدر ہوتی

عوامی نیشنل پارٹی (اے این پی) دے سینئر نائب صدر امیر حیدر ہوتی دا کہنا اے پاکستان ڈیمو کریٹک الائنس دی قیادت نے جدوں اسمبلیاں توں مستعفی ہون دا فیصلہ کیتا تے اسیں بلوچستان حکومت توں ای نہیں سگوں اسمبلی توں وی باہر آ جاواں گ ے۔

عوامی نیشنل پارٹی دے سینئر نائب صدر امیر حیدر ہوتی نے پارٹی دی سنٹرل ورکنگ کمیٹی دے اجلاس دے بعد مرکزی تے صوبائی قائدین دے نال نیوز کانفرنس کردیاں ہوئیاں آکھیا عوام نوں تے احساس ہو گیا اے، ہن سلیکٹر نوں وی احاس ہو جانا چاہیدا اے کہ سلیکٹڈ حکمراناں نے ملک دا بیڑا غرق کر دتا اے۔

امیر حیدر ہوتی آکھیا پارٹی دی سینٹرل کمیٹی نے متفقہ طور تے پاکستان ڈیمو کریٹ الائنس وچ شامل ہون دا فیصلہ کیتا اے۔ اوہناں آکھیا اک مکمل چارٹربنایئے تے کوشش ہووے گی کہ الائنس وچ شامل جماعتاں نوں ایہدے تے متفق کر سکیے۔

ساڈی ایہ خواہش نہیں کہ اک حکمران آئے تے دوجا جائے، سارے مسئلیاں نوں چارٹر وچ شامل کیتا جائے گا۔

امیر حیدر ہوتی نے مطالبہ کیتا نواں این ایف سی ایوارڈ جلدی توں جلدی اٹھارویں ترمیم دے تحت ہووے تے ایہدے وچ این ایف سی ایوارڈ وچ صوبیاں دا حصہ گھٹ نہیں ہونا چاہیدا۔