ووٹ نوں عزت دوپاسبان( ن ) لیگ دی عوامی مہم دا حصہ اے : مریم نواز

لہور ( بھلیکھا ٹی وی ) مریم نواز نے آکھیا کہ ووٹ نوں عزت دو پاسبان (ن) لیگ دی رابطہ عوامی مہم دا حصہ اے ۔ مہم ووٹ دی اہمیت اُجاگر کرن لئی شروع کیتی جا رہی اے ۔ پاکستان مسلم لیگ نون دی رہنما مریم نواز نے ووٹ نوں عزت دو پاسبان بنن والے رضاکاراں دے وفد نال ملاقات کیتی اے ، ایس موقع اُتے مریم نواز دا کہنا سی کہ مہم دا مقصد ملک وچ حقیقی جمہوری کلچر نوں پروان چڑھانا اے ۔آئین دی پاسبانی ، پاکستان دی پاسبانی اے ۔

مضبوط آئین خوشحال پاکستان دی ضمانت اے ۔مریم نواز نے آکھیا کہ جمہوریت وچ مکالمے تے دلیلاں دے اختلاف رائے دے تبادلے دی مثبت اقدار نوں فروغ دتا جائے ۔ایمان، اتحاد تے تنظیم اُتے کار بند رہندیاں ہوئیاں ووٹ نوں عزت دو دا پیغام تا جائے گا ۔ آئین دی سر بلندی ، عزت ، خود مختاری تے خوشحالی آئین تے ووٹ دی حرمت نال ہی ممکن اے ۔