حکومت دا اپوزیشن نوں پورے ملک وچ جلسے کرن دی اجادت دین دا فیصلہ

اسلام آباد ( بھلیکھا ٹی وی ) حکومت نے اپوزیشن نوں ملک وچ جلسیاں دی اجازت دین دا فیصلہ کر لیاوزیر اعظم عمران خان دی سربراہی وچ سیاسی اُمور اُتے جائزہ اجلاس ہوئیا جس وچ فیصلہ کیتا گیا کہ پی ڈی ایم نوں جلسیاں دے این او سی جاری کیتے جان۔اپوزیشن نوں جلسے کرن دے دوران ایس او پیز دا پابند بنایا جائے گا ْ۔ضلعی انتظامیہ جلسیاں وچ ایس او پیز دی پابندی یقینی بنائے گی ، حکومت اپوزیشن دے جلسیاں وچ رکاوٹ نہیں پائے گی ۔

خیال رکھنا کہ پی ڈی ایم دا پہلا جلسہ 16اکتوبر نوں گوجرانوالہ وچ ہوئے گا ، پچھلے ہفتے اسلام آباد وچ پی ڈی ایم اجلاس توں بعد پاکستان مسلم لیگ نون دے مرکزی سیکرٹری جنرل احسن اقبال نے آکھیا کہ پی ڈی ایم دا جلسہ 16اکتوبر نوں گوجنرانوالہ وچ ہوئے گا ، جد کہ 18اکتوبر نوں کراچی وچ جلسہ ہوئے گا ۔ احسن اقبال نے آکھیا کہ کوئٹہ وچ25اکتوبر نوں جلسہ ہوئے گا جد کہ30نومبر نوں ملتان تے13دسمبر نوں لہور وچ جلسہ ہوئے گا ۔