پارلیمانی رہنماواں دے اجلاس وچ فاٹا اصلاحات تے اتفاق

اسلام آباد: قومی اسمبلی وچ پارلیمانی رہنماواں دے اجلاس وچ فاٹا اصلاحات تے اتفاق کر لیا گیا اے۔

سپیکر قومی اسمبلی ایاز صادق دے چیمبر وچ پارلیمانی جماعتاں دے اراکین دا اجلاس ہویا جیہدی صدارت مشیر قانونی امور بیرسٹر ظفر اللہ نے کیتی۔ اجلاس وچ پی ٹی آئی شاہ محمود قریشی، پی پی پی دی شیری رحمان، قومی وطن پارٹی دے آفتاب شیرپاوٴ، جماعت اسلامی دے صاحبزادہ طارق اللہ، مسلم لیگ (ن) تے فاٹا دے ارکان نے رَلت کیتی۔ ایم کیو ایم تے جے یو آئی (ف) دے ارکان اجلاس وچ شریک نہ ہوئے۔

بیرسٹر ظفر اللہ تے وزارت قانون دے حکام نے مجوزہ بل تے بریفنگ دِتی جد کہ فاٹا نوں خیبر پختونخوا وچ ضم کرن دے حوالے نال حکومتی بل دا جائزہ لیا گیا۔ ایس موقع تے بیرسٹر ظفر اللہ دا کہنا سی اج دا اجلاس مجوزہ فاٹا قانون دی تیاری دے حوالے نال سی۔ ہن باقاعدہ اجلاس پیر نوں دوپہر اک وجے متوقع اے۔ جماعت اسلامی دے پارلیمانی لیڈر صاحبزادہ طارق اللہ نے دسیا فاٹا اصلاحات تے اتفاق رائے پایا جاندا اے تے دو تن دِناں مگروں بل اسمبلی وچ پیش کر دِتا جاوے گا۔