وزیراعلیٰ پنجاب نے پی ٹی آئی دے ناراض ارکان نوں اج ملاقات لئی سد لیا

لہور: وزیراعلیٰ پنجاب عثمان بزدار نے تحریک انصاف دے 20ناراض ارکان نوں اج ملاقات لئی سد لیا۔ وسیلیاں دے مطابق وزیراعلیٰ پنجاب عثمان بزدار نے جنوبی پنجاب نال تعلق رکھن والے تحریک انصاف دے 20ناراض اراکین صوبائی اسمبلی نوں اج ملاقات لئی سد لیا اے، وزیراعلیٰ نال ملاقات وچ ناراض اراکین اپنے مطالبات تے تحفظات توں آگاہ کرن گے۔

ذرائع دا کہنا اے تحریک انصاف دے ناراض اراکین نے اپنے معاملات وچ بہتری لئی وزیراعلیٰ پنجاب عثمان بزدار نوں فروری تک دا ویلا دے رکھیا اے۔ واضح رہوے پاکستان تحریک انصاف دے جنوبی پنجاب دے وکھو وکھ حلقیاں نال تعلق رکھن والے 20ناراض ارکان صوبائی اسمبلی نے وکھرا گروپ بنایا سی، ناراض گروپ دے اراکین نے وزیراعلیٰ پنجاب عثمان بزدار توں حلقیاں لئی فنڈز تے عوامی منصوبیاں دا مطالبہ کیتا سی۔

اپنا تبصرہ گھلو