ریکوڈک کیس: پاکستان دی 6ارب ڈالر جرمانے دے خلاف عرضی منظور

کوئٹہ: ریکوڈک دے حوالے نال عالمی ثالثی عدالت ولوں کیتے گئے 6ارب ڈالر دے جرمانے دے خلاف حکومت پاکستان دی نظرثانی دی عرضی منظور کر لئی گئی۔

بلوچستان کابینہ نے ایس کیس وچ حصہ لین والے وکیلاں دی ٹیم دی توثیق کر دتی اے۔ بلوچستان دے علاقے ریکوڈک وچ سونے تے چاندی دی کھوج لئی صوبائی حکومت دے ادارے بلوچستان ڈویلپمنٹ اتھارٹی تے کینیڈا دی کمپنی بی ایچ پی وچکار 29جولائی 1993ء نوں اک معاہدہ ہویا جہنوں چاغی ہیلز ایکسپوریشن جوائنٹ وینچر ایگریمنٹ دا ناں دتا گیا۔ ایس معاہدے دے بعد ایتھے سونے تے چاندی دی کھوج دا کم شروع ہویا جہڑا وکھو وکھ مرحلے طے کرن دے بعد تنازعات دا شکار ہو کے عالمی ثالثی عدالت دے اک شعبے انٹرنیشنل سنٹر فور سیٹلمنٹ آف انوسٹمنٹ ڈسپیورٹ اپڑ گیا۔ عدالت نے حکومت پاکستان نوں تقریباً 6ارب ڈالر دا جرمانہ لاگو کر دتا پر ملک دے ماہرین قنون ایس فیصلے نوں تسلیم نہیں کردے ۔

اپنا تبصرہ گھلو