جے وی اوپل کیس: نیب نے بلاول بھٹو نوں 13فروری نوں طلب کرلیا

اسلام آباد: قومی احتساب بیورو نے جے وی اوپل کیس وچ چیئرمین پیپلزپارٹی بلاول بھٹو زرداری نوں 13فروری نوں طلب کرل یا۔

نیب پنڈی ولوں بلاول دی طلبی دا سمن جاری کیتا جہدے وچ زرداری گروپ کمپنی دا 2008توں 2019تک دا سارا ریکارڈ لیان دی ہدایت کیتی گئی اے۔

قومی احتساب بیورو نے بلاول توں بورڈ آف ڈائریکٹرز دی فہرست وی منگ لئی۔ چیئرمین پیپلزپارٹی تے اپنی ذاتی کمپنی لئی 1.22 بلین روپے جعلی اکاؤنٹ توں کڈھوان دا الزام اے، بلاول بھٹو ولوں موقف اپنایا جاندا رہیا اوس ویلے اوہ گھٹ عمر دے سن، پر اوہناں دے بیان دے برعکس آڈٹ رپورٹ وچ اوہناں دے دستخط نیں۔

قومی احتساب بیورو نے آڈٹ رپورٹ تے بلاول دے دستخط شدہ دستاویزات حاصل کر لئیاں نیں، چیئرمین نیب نے انکوائری نوں انویسٹی گیشن وچ تبدیل کرن دی منظوری دتی سی۔

بلاول بھٹو نوں چوتھی واری طلب کیتا گیا، اوہ صرف اک واری پیش ہوئے۔