صبا قمر کامیاب ماڈل، میزبان تے بہترین اداکارہ

لہور: مشہور اداکارہ صبا قمر جو اداکارہ ہون دے نال نال ماڈل تے میزبان وی نیں۔5اپریل 1984ء نوں پیدا ہون والی صبا قمر اک زبردست اداکارہ ہون دے نال ٹیلی ویژن دی چنگی میزبان وی نیں۔ اوہناں دا شمار پاکستان ولوں سب توں ودھ پیسے لین والی اداکاراں وچ ہوندا اے۔

غیر ملکی خبر رساں ادارے دے مطابق صبا قمر 1984نوں گوجرانوالہ وچ پیدا ہوئیاں، اداکارہ کئی ایوارڈز وی جت چکیاں نیں، لکس ایوارڈز، نجی ٹی وی ولوں وی ایوارڈز حاصل کر چکیاں نیں ایہدے نال ملک دے سب توں دو وڈے اعزازات وی حاصل کر چکیاں نیں، ایہناں اعزازات وچ اوہ 2012ء وچ تمغہ امتیاز حاصل کر چکیاں نیں جد کہ 2016ء وچ اوہناں نوں پرائیڈ آف پرفارمنس دا ایوارڈ وی دتا گیا۔صبا قمر بالی ووڈ دے نال پاکستان دی کئی فلماں تے ڈرامیاں وچ کم کر چکیاں نیں تے اکثر اوقات اپنی تصویراں تے روزمرہ دی زندگی نوں سوشل میڈیا خاص کر ٹویٹر تے انسٹا گرام تے شیئر کردی رہندیاں نیں۔خبر رساں ادارے دے مطابق صبا قمر دے چاہن والیاں دی تعداد لکھاں وچ اے جد کہ ٹویٹر تے وی اوہناں دے چاہن والیاں دی تعداد کسے توں گھٹ نہیں۔

اپنا تبصرہ گھلو