سرکار دے خلاف تحریک دے اعلان دے نال ای نیب نے بلاول نوں بلا لیا: آصفہ، بختاور

کراچی: آصفہ بھٹو تے بختاور بھٹو دا کہنا اے جدوں بلاول نے مہنگائی تے حکومت دے خلاف تحریک دا اعلان کیتا تے نیب نے فیر بلا لیا۔ بختاور بھٹو تے آصفہ بھٹو نے اپنے ٹویٹس وچ آکھیا اے حکومت دے خلاف تحریک دے اعلان دے نال ای نیب نے بلاول نوں بلا لیا۔

بختاور بھٹو دا کہنا سی آٹا، چینی بحران، سلائی مشین، نہ جہانگیر ترین تے نہ ای فنڈنگ کیس، بس نیب صرف بلاول دے تعاقب وچ اے۔

آصفہ بھٹو آکھیا ایہ پہلی واری نہیں ہویا، نیب ایس مقدمے وچ پہلاں وی بلاول نوں بلا چکیا اے، جواب وی گھلیا سی، اوہناں آکھیا جدوں بلاول نے حکومت دے خلاف تحریک چلان دا اعلان تے آئی ایم ایف نال دوبارہ مذاکرات دی گل کیتی تے نیب نے طلب کر لیا۔